شَر نامہ ہم سب کے اجلے کپڑوں پر ہمارے دامن پر، مظلوموں لاچاروں کے لہو کے چھینٹے پڑے ہوئے ہیں ہماری آنکھوں کی پتلیوں میں عقیدت کے سرمچو سے وحشت کی سلائی پھیر دی گئی تھی۔۔ اب ہماری آنکھوں کے ریٹینا پر، انسانیت کی لو سے نکلی روشنی محبت کا عکس نہیں بناپاتی۔۔ ہماری اور تمھاری گردنیں ہم سب کے اجتماعی ستم کے بوجھ سے جھکی ہوئی ہیں ہمارے ہاتھوں سے اب خدا کی خوشنودی اور برکتوں کی ڈوری چُھٹ چکی ہے۔۔ ہماری گِھسی ہتھیلیوں پر جس ریاضِ ازلی کے نشاں کندہ ہیں وہ خداۓرحمٰن کی دھان کردہ 'وتعصمو' کی ڈوری کے ہرگز نہیں۔۔۔ بہت وقت پہلے ہماری بینائی جانے کے بعد ابلیس کے چیلوں نے ہماری روشنی سے عاری ناواقف آنکھوں میں دھول جھونک کر، فساد و شر و ظلم کی رسی تھما دی تھی۔۔۔ ہماری ہتھیلیوں کی پکڑ میں آج اسی منحوس ڈوری کی گرہ پھنسی ہوئی ہے۔۔! وقاص صارم

( "کُجھ نئیں" دی کتھا) سٓبھ توں پہلاں کُجھ نئیں سی، ایہہ کُجھ نئیں وی تاں کوئی شئی سی، ایس کُجھ نئیں وِچوں سَبھ کُجھ نکلا سبھ کجھ نِسرا چار چوفیرے وٓت وی سبھ کُجھ اندروں خالی۔۔ ازلاں توں ہن بھالدے پھردے کُجھ نئیں لَبھدا، کجھ نئیں دِسدا۔۔۔! وقاص صارم

ابو العباس، سلطان محمود کا پہلا وزیر تھا، تقریباً دس سال تک عہدہ وزارت پر رھا، حکومتی امور اور جنگی انتظامات میں بڑی مہارت رکھتا تھا ۔ ابو العباس کی معزولی سلطان محمود غزنوی کو خوبصورت اور دل نشین غلام جمع کرنے کابہت شوق تھا، "الناس علی دین ملو کہم"کے مصداق رعایا بھی اپنے بادشاہ کی پیروی کرتی تھی، ابو العباس کو بھی بادشاہ کی دیکھا دیکھی غلام جمع کرنے کا چسکا پڑگیا۔ایک دن ابو العباس کو معلوم ھوا کہ ترکستان میں ایک بہت خوبرو غلام بکنے کے لئے موجود ھے، ابو العباس نے فوراً اپنے ایک قابل اعتماد ملازم کو ترکستان روانہ کیا تاکہ اس خوبرو غلام کو خرید کر اور عورتوں کا لباس پہنا کر غزنی لے آئے، کسی چغل خور نے یہ بات سلطان محمود کے کانوں تک پہنچا دی، محمود نےابو العباس سے اس غلام کو طلب کر لیا، ابو العباس نے حیل و حجت سے کام لے کر غلام دینے سے انکار کیا۔ایک دن سلطان محمود کسی کو اطلاع دیئے بغیر کسی کام کے بہانے ابو العباس کے گھر جا پہنچا۔ابو العباس نے یونہی بادشاہ کو دیکھا وہ خاطر تواضع کرنے لگا، اسی دوران اس حسین اور خوبرو غلام پر سلطان محمود کی نظر پڑی، محمود نے اس غلام کو ابو العباس سے چھین لیا اور عہدہ وزارت سے معزول کر کے تباہ و برباد کر دیا"...! بشکریہ تاریخ فرشتہ